महि अभिन बहुत चिज कर्ना बाँकी बा

सागर कुस्मी
१० बैशाख २०८०, आईतवार
महि अभिन बहुत चिज कर्ना बाँकी बा

गजल
महि अभिन बहुत चिज कर्ना बाँकी बा ।
कखरा एबिसी सारा पहर्ना बाँकी बा ।

मोर घरक डुवार मोकिमोका भिटिभिटा,
लर्का पर्कनके भविस्य सवर्ना बाँकी बा ।

ढेर लर्कापर्का गरीबीसे पर्हे नैसेक्ठुइँट,
ओइन शिक्षासे आँखी उघर्ना बाँकी बा ।

जहाँ भ्रस्टाचार, अन्याय, दमन हुइठ,
उ ठाउँमे इ चिजहे उखर्ना बाँकी बा ।

जे बुझठ नैहो हमार समाजके लाग,
अइसिन मनैंनके बानी सपर्ना बाँकी बा ।

सागर कुस्मी

महि अभिन बहुत चिज कर्ना बाँकी बा

सागर कुस्मी