गजल

अपन ढक्ढिउरम मैयाँके डिया सुँगाइ डेउ ।
जोन्ह्याँअस सिट्टर मुहार हेर्क अघाइ डेउ ।

सवन्याँ कर्या बड्रीअस भुट्लक छाँही गहिर,
सिर्हन ढार्क आपन क्वारम महि सिट्राइ डेउ ।

डुन्यँक लजर परेसेकि टुहाँर अनारी टेम्ह्रीम,
नुक्वाक ढारो बैस पैल्ह मजासे फुल्याइ डेउ ।

पियर लाहिक फुलाअस अजराइल जवानी,
एकचो घटगरके उ जवानी लोभाइ डेउ ।

कैयो डिनिक घमाइल पस्नाइल यि जोवनहँ,
एकघरी अपन मैयँक गहिंर कुँह्रम लहाइ डेउ ।

सन्देश दहित
कैलाली