आब बर्का बनुवाँ बचाइ सेक्ना सम्भव नैहो ।
खाली ठाउँमे रुख्वा लगाइ सेक्ना सम्भव नैहो ।
एक ओर तस्कर डोसर ओर भ्रष्टाचारी,
वन विभाग आब रखाइ सेक्ना सम्भव नैहो ।
खै इमान खै स्वाभिमान मानव भित्तर,
के बा यहाँ इमान बटाइ सेक्ना सम्भव नैहो ।
रमटलिया चिटरमर्ला कुर्लाहा, बर्का फटुवाँ,
पहिलेक जैसिन बनाइ सेक्ना सम्भव नैहो ।
जाम कोसम फोर्सा, खेझरी इ फलफुल आब,
ठाउँ ठाउँ अट्कारे फराइ सेक्ना सम्भव नैहो ।
कुस्मी सागर
कैलाली
हरचाली साहित्यिक त्रैमासिकके प्रकासक ओ प्रधान सम्पादक हुइँट् ।
