एकजुट हुइ पर्ना बा कुछ कर्ना बा पहिचानके लग ।
हाँठमे हाँठ मिलाके लागे पर्ना बा पहिचानके लग ।

हमार लग पहिचानसे भारी प्राण फेन नैहो यहाँ,
मरे परि टे परि यहाँ फेन मर्ना बा पहिचानके लग ।

हमार पुर्खन सजोक लगा लगाके ढैलै आझसम,
उहे माटी जोगैना आघे सर्ना बा पहिचानके लग ।

पुर्खनके रकट पस्नासे डँहकारल इ ढर्टी हमार,
खेटीपाटीके लग कुलुवा झर्ना बा पहिचानके लग।

यि ज्यानसे फेन मैयाँ बा हम्रिहिन हमार माटी यहाँ,
जैसिन आँखर पहार फेन फोर्ना बा पहिचानके लग।

थारु बस्ती बस्तीम् सरकार कर्फ्यु लगाके हँस्टी बा,
थारु पहारी मिल्के सद्भाव भर्ना बा पहिचानके लग ।

संगम कुस्मी
कैलारी गाउँपालिका-८ डख्खिन टेंर्ही, कैलाली