महिन छोट्टेमे पर्हे जाइबेर भुट्ला चोंचडेहे डाइ ।
सक्करहीं उठाके खँर्की लेके मुह पोंछडेहे डाइ ।
बचपनसे ज्यादा मोरिक बारेमे किल सोंचठ डाइ,
छावा हैरान हुइठ कहिके झोला बोकडेहे डाइ ।
किहुसेफे नाइ बोलुँ टबु सब महिन हेल्हा कराईं,
नाइ बोलठ कहिके मोर पक्षसे बोलडेहे डाइ ।
ढारल सामान अपनही खोजके भेटैबे नैकरुँ,
छावक् उ सामान डु मिनेटमे खोजडेहे डाइ ।
बहुट भाग्यमानी बटुँ भगवानहस डाइ पैले बटुँ,
बुरा कहेटो ओइसिन मनैनके साथ छोरडेहे डाइ ।
निर्मल चौधरी (असफल यात्री)
जानकी गा.पा. ५ अमौरी, कैलाली
