थारुन उपर जब फेन अन्याय अत्याचार हुइल ।
थरुहट थारुवानहे दमन जत्तिके बारम्बार हुइल ।
का नेता, का पुलिस्वा, का पर्हिया रकट लाले बा,
काहे थारुन भर यहाँ पसनहस् व्यवहार हुइल ।
आँख भर डेखल कान भर सुनल टबफें पक्षपात,
जालसाजी राजनीति खेल हरदम लगातार हुइल ।
छानछान थारु घरम आगी लगुइया सरकार डेखो,
दिन रहटे थारु चेली बेटिन उपर बलात्कार हुइल ।
स्वतन्त्र हुइलैं खुल्ला आकाशमे देश द्रोही यहाँ,
बिना गल्टी निर्दोष थारुन भर कारागार हुइल ।
कहिया मिलि कानुन बर्हिया गरिब जनतन,
गाउँ घरमे डेखो थारुन्के अंढार संसार हुइल ।
संगम कुस्मी
कैलारी-८ डख्खिन टेंर्ही कैलाली
