आछट पाटी हेर्ना मनै अभिनसम् बाटैं गाउँमे ।
गुर्वा बैडवन टेर्ना मनै अभिनसम् बाटैं गाउँमे ।
भुँख्ले पियस्ले राटडिन काम कर-कर्के यहाँ,
अपन जिन्गी फेर्ना मनै अभिनसम् बाटैं गाउँमे ।
ना डिडी ना बाबु जन्ना सक्कु जन्हन चलैटी,
डग्गर भर छेर्ना मनै अभिनसम् बाटैं गाउँमे ।
राटबिराट घरे आके जाँर पिकेे जन्नीहे मार्के,
आढा राट खडेर्ना मनै अभिनसम् बाटैं गाउँमे ।
ग्रहन लागल बेलामे घरेक् चारु भिटी भिटा,
गोबर लैके घेर्ना मनै अभिनसम् बाटैं गाउँमे ।
अंकर अंजान सहयात्री
जानकी-८ जबलपुर कैलाली
