हेरो लागल बर्खा छत्री छैना दिन आगैल ।
पालैसे सप्के मेर्वा कसैना दिन आगैल ।
आझ लगाब टो पाछे पेट भर खाप कैह्के,
भिन्सहरे भुख्ले खेट्वा जैना दिन आगैल ।
कबु घाम कबु पानी सब कुछ हाँसके सहटी,
हाँठगोर साराके बियार लगैना दिन आगैल ।
खेट्वा चैनार सुन्टी सोहावान सजनाके गीत,
लेवामे बक्खारी बहन्टी लेटैना दिन आगैल ।
असारके महिन्वाँ बियार लगाके सेकलमे,
घरघर रमैटी हर्डहुवा खैना दिन आगैल ।
प्रतिक्षा चौधरी
जानकी गाउँपालिका- ५ पठ्रैहिया कैलाली
