पार्टी फुटके हेरो देश खतराके धारमे यहाँ ।
जब फेन पैंठे सेकी दुश्मुन हेरो संघारमे यहाँ ।

काल्ह किल सस्टा भाउमे लिलाम हुइलहो दिल,
बिक्रीम बा दिल किनुइयन लाग बजारमे यहाँ ।

जोग्या बभ्ना हाँठ हेर्के भाग्य निरधारण कर्ठै,
हाँठ नैहुउइयनके टे फेन रहठ लिल्हारमे यहाँ ।

अपन टन्खासे ढेर डोब्बर कमाइठ उ मनैयाँ,
काहे कि उ करमे, राजस्व ओ भन्सारमे यहाँ ।

घिउहस रहुँ जमल मै टुँ टातुल बनके आइलो,
आब मोर इ जिन्गी गल्ना फेन सुरसारमे यहाँ ।
संगम कुस्मी
कैलारी-८, कैलाली