घाम ओ पानिसे लरल मनै हुइ किसान हम्रे

रिमा चौधरी
१३ जेष्ठ २०७८, बिहीबार
घाम ओ पानिसे लरल मनै हुइ किसान हम्रे


घाम ओ पानिसे लरल मनै हुइ किसान हम्रे ।
जुनि जुनि भर करल मनै हुइ किसान हम्रे ।

पापी पेट्के लाग बहुट डुख करे पर्ना रहठ,
फुलाहस् रोज झरल मनै हुइ किसान हम्रे ।

डिन भर रोज काम करके सिहरल जिउ,
काम कर्टिकर्टि मरल मनै हुइ किसान हम्रे ।

जबसे जन्मली हर जुवा खेट्वम् बर्हली,
माटीक् माटीमे सरल मनै हुइ किसान हम्रे ।

ना किहुसे झगर ना किहुसे डुस्मनी कर्ली,
टभुफे अन्यायमे परल मनै हुइ किसान हम्रे ।
रिमा चौधरी
घोडाघोडी-६ बसन्ता कैलाली

घाम ओ पानिसे लरल मनै हुइ किसान हम्रे

रिमा चौधरी