लकडाउनमे गुमसुम, हिट बा मोर जिन्गीम् ।
चलल कसरट, सरिर फिट बा मोर जिन्गीम् ।

डर लागठ सुनके, नाकेम् बम फुटठ कहठैं,
घुम्टी बा कोरोना जोरसे, जिट बा मोर जिन्गीम् ‌।

सखाप परटी बा, खाइना पिना, बहुट महँगा,
साँझके फुल गिलास नप्ना, किट बा मोर जिन्गीम् ।

डेखुइयन मजा डेख्ठै, जिन्गीमे कबु नैभुल्ना,
डेखटुँ महामारी, बिग्रल अटिट बा मोर जिन्गीम् ।

चल्टी बा जैसिक टैसिक, टुट्ना बहुत मुस्किल,
नैउठे डेहना किहकोसे, मिट बा मोर जिन्गीम् ।
लाहुराम चौधरी
भजनी-९ पहलवान कैलाली