कैसिन समय आइल मनै डेख्के मनै डराइ पर्ना ।
जिना मुस्किल, गाल पकरले आँस झराइ पर्ना ।

कोरोना देश दुनियाँमे हाहाकार भुँखाही मचल,
सबजे मोख्री लगाके नाकमुँह दुर कराइ पर्ना ।

चखेवा जोरि हम्रे,भाइरस करल पठ्रि अलग हमार,
का सजा डेले भगनुवाँ, एक्केलि बास सराइ पर्ना ।

कोरोना छुवल, छाइ मोकक् पारसे बाबा कहठ,
चिन्ता डर डबाके भित्रे भित्रे मन जराइ पर्ना ।

दिनराट पिंजराके सुग्गाहस, चिमचाम बैठल रबो,
का डेखैले भगनुवाँ आँस पिके मन हहराइ पर्ना ।
प्रबिन बौखही
कैलारी गाउँपालिका-५ बैसपुर कैलाली
(अब्बा होम आईसोलेसनमे बैठल )