इहे धर्तीम जलम डेके महिन संसार डेलो डाइ ।
मैयाँ ममता भरल पोकरीक् उपहार डेलो डाइ ।

छोटेम गोम्हनियाँ कर्नु टे पकरके नेगे सिखैलो,
छिहलाइल मस्टाइल रहुँ टबफें प्यार डेलो डाइ ।

कबु जुरी कबु हेग्नी सटाइल बच्पन जिन्गीम,
गुरवा बैडवा डक्टरुवाहस उपचार डेलो डाइ ।

फुरेसे भारी हुइनु बैस चर्हल बहेत्रा फेन हुइनु,
रहनसहन बोल्ना मजा संस्कार डेलो डाइ ।

बाबक रकटमे डाइक् डेहल टेंम्ह्रीम फुल्टी,
फुल्टी, फर्टी महि खुशीक दरबार डेलो डाइ ।
संगम कुस्मी
कैलारी-८ कैलाली