नौ नौ महिना पेटमे रखुइया, जहान हो मोर डाइ ।
यि ढर्टीम् उटरुइया पहिल, भगवान हो मोर डाइ ।

स्याहार सुसार डया मैयाँ, पौष्टिक आहारके धनी,
रोइटीकिल दूध डेहुइया, मिठापान हो मोर डाइ ।

जरम लैके बरवार हुइल, समाजके नियम अन्सार,

बाबक् लग नानानानीक डेहल, डान हो मोर डाइ ।

भलमुडी नैहो सोंचो, अपन रकटहे यि डुनियाँमे,
गुहमुट पोछ्के बरा बनुइया, टुफान हो मोर डाइ ।

का कहुँ भिट्टरसे मै, कहलेसे कहानी बिकठ नैटो,
डुनियाँभरके लग उँच मानल, सान हो मोर डाइ ।
लाहुराम चौधरी
भजनी-९ पहलवान कैलाली