समय अनुसार फलफूल प्रकृतिके बरडान डेहठ् ।
बनुवाँ किनारे बैठ्ना थारूनके पहिचान डेहठ् ।

हमरे आदिवासी हैजा मलरियासे लरके जिट्ली,
आब आके कोइ हमार हक छिनके बरा शान डेहठ् ।

मेहनत करूइया हमरे थारू कामसे कबु नाइ डेरैठी,
बन्जर जग्गा जोट्ठी हमरन माटी फल टमान डेहठ् ।

लावा सरकार बनटी किल नियम कानुन बनठ,
सबके हक अधिकार डेना थारून चन्नीम चान डेहठ् ।

मोर डेस नेपाल मैफे थारू नेपाली नागरिक हुँ कना,
डेसमे समानताके सन्देश खाली राष्ट्रिय गान डेहठ् ।
असिराम डंगौरा
जोशीपुर गाउँपालिका-५ सेम्राहना, कैलाली