प्रदेशी जीवन डुखक् डग्रिम हार्के जाइटुँ डाइ ।
भरल बर्खामे सात समुन्द्रा टार्के जाइटुँ डाइ ।

जग्गा जमिन घर कुर्या सोंच्टी सोंच्टी आझ,
नोनेक ढेल्की गोझुम् पोक्री पार्के जाइटुँ डाइ ।

डेखल ना कबु सोंचल ठाउँ बिरान उ बस्टीमे,
आँखिक आँस सक्कु आझ झार्के जाइटुँ डाइ ।

पुर्खासे जोरल  टुटल घर छुटी मुटी बारी बा,
ओकरफे लाल पुर्जा बैंकम् धार्के जाइटुँ डाइ ।

सुख दुख हँस्टी खेल्टी आपन घरम् मजा,
सबके मैयाँ  मनसे आझ मार्के जाइटुँ डाइ ।
दुर्गा चौधरी 
टीकापुर-६ अम्बसा कैलाली