१३ मंसिर २०८०, बुधबार
१३ मंसिर २०८०, बुधबार
कहल जस्ते मजा काम नाइ मिलठ परडेसमें ।
मोजमस्ती ऐस आराम नाइ मिलठ परडेसमें ।
जिउज्यान लगाके यहाँ जट्रा मेहनत कर्लेसेफे,
सोंचल जस्ते मजा दाम नाइ मिलठ परडेसमें ।
ज्या मिलठ ओक्रेसंग मोंस मोंस खाइ परठ,
अपन घरेक् जस्ते माम नाइ मिलठ परडेसमें ।
हाँठगोर सराके ओकरलग् काम कर्बो टबफे,
धन डौलट कुछ इनाम नाइ मिलठ परडेसमें ।
बफादारी करल बाफत मलिक्वासे हम्रहिन,
मौत मिली बरु सलाम नाइ मिलठ परडेसमें ।
अंकर अन्जान सहयात्री
जानकी गाउँपालिका-८ जबलपुर कैलाली
