हम्र पर्डेसी घरहँ याड कर्टी बिटठ् डिन

सन्देश दहित
२६ जेष्ठ २०७८, बुधबार
हम्र पर्डेसी घरहँ याड कर्टी बिटठ् डिन


हम्र पर्डेसी घरहँ याड कर्टी बिटठ् डिन ।
घाम, पानी, सिटसे लर्टी बिटठ् डिन ।

ढुप्पन असक् घामम् काम कर्टी लर्टी,
बल्जब्री आपनहँ सम्हर्टी बिटठ् डिन ।

बिरान जगाह भारी भारी नौ लाख महल,
खाल्ह ओ उँच चहर्टी उटर्टी बिटठ् डिन ।

सम्मस राट निडम् काम कर्खन बिन्हे,
किचराइल आँखी उघर्टी बिटठ् डिन ।

कबु यहाँ ट कबु वहाँ ठर ना ठेकान,
यहोंरसे ओहोर डेरा सर्टी बिटठ् डिन ।

सन्देश दहित
जानकी–२ खरग्वार, कैलाली

हम्र पर्डेसी घरहँ याड कर्टी बिटठ् डिन

सन्देश दहित