खाडीमे हुइठ रुप्या पैसाके खेटी कसिके ?
प्रडेसीनक् दिन राटके पिरा मेटी कसिके ?

अट्रा दुख पिरा सहे परठ जन्टि जन्टी फे,
पुग्जैठंै बनक् लाग प्रडेसी चेलिबेटी कसिके ?

याड बन्के झस्काए बलाए अइठैं घरडेससे,
मजबुर उ छावा छाइ प्यारीहे भेटि कसिके ?

आझ पैसा भर्के झोला अइना रहे घर कहैं,
अइलस् अंगनामे मुर्डा भरल पेटी कसिके ?

इ ढर्टी माटक् ध्यार लर्का हेराइल बटिस,
नाजाउ प्रडेस कैह्के आब बाबा चेटी कसिके ?
सुबास कुमार चौधरी
बारबर्दिया नगरपालिका–१० शोभानगर, बर्दिया