कबु डुठ्ठा खाके कबु भुख्ले रहक परट पर्देश म ।
कपार पिराए चाहे पेट केउफें नैसुनट पर्देश म ।

कुइरेन अइठंै अंग्रेजिम बोलके गरियाके चल्जिठैं,
ना बोले सेक्जाइट खाली आँस बहट पर्देश म ।

बिचारा उ बर्हिया नैलाग्के छटपटाके मरगिल,
कुछु पुछबो आउर उल्टे गारी मिलट पर्देश म ।

लौका कब्ली कुन्ढरु एक मिट नाइ लग्ना घरम्,
आब जुन एकदम उहे टिना मन सम्झट पर्देश म ।

गाउँक मनै ट बिदेशम ढ्यार पैसा छप्ले बा कठंै,
हुक्रन का पटा घरक यादले मन टरपट पर्देश म ।
सुरज चौधरी
राजापुर–२ बर्दिया