यि साल प्रदेशसे मै घर जाइ नाइ पैनु डाइ ।
डिडीक् हाँठसे टिका लगाइ नाइ पैनु डाइ ।

बटिया हेर्टी हुइहीं मोर प्यारी डिडी ओइने,
अपन डिडीक् पहुरा खाइ नाइ पैनु डाइ ।

घरे बहुत जैनास लागत मने का कर्ना हो,
यहाँ कामके मारे बिदाइ नाइ पैनु डाइ ।

प्रदेशी जिन्गी कना अस्टे हो मोर यहाँ,
टोहन्के माँगल चिज पठाइ नाइ पैनु डाइ ।

गाउँघरके सघरियनके बहुत याद आइठ,
यी साल फेन घरे आइ नाइ पैनु डाइ ।
सन्जिव चौधरी
टीकापुर नगरपालिका–९ झुङ्गा कैलाली