गजल
सबके घर हहरैटि फोंहैटि अइहो अँट्वारी टुँ ।
लहेरिक अग्रासन डिडीबाबुन पुगइहो अँट्वारी टुँ ।
दिनभर भेंवाँ ओ दिनक पुजामे बर्ट बैठल भैयन,
अन्डिक रोटी, हलुवा फलफुल खवइहो अँट्वारी टुँ ।
सर्रीक खोंटा कन्डक अग्यारीम् लोटक जलसे,
रखैहो कार्हल अग्रासनके लाग उठइहो अँट्वारी टुँ ।
फुलौरी, खँरिया, सिढरा, कैठासे फर्हार करवैटि हेरो,
उठाके पहुरा बाबुक् घर ढकिया सजइहो अँट्वारी टुँ ।
सुख, समृद्धि ओ सुस्वास्थ्य लाभके हार्दिक शुभकामना,
झारनझुरुन हुइलेसे फेन मर्जाड लगइहो अँट्वारी टुँ ।
संगम कुस्मी
कैलारी ८ डख्खिन टेंह्री, कैलाली