१३ मंसिर २०८०, बुधबार
१३ मंसिर २०८०, बुधबार
पुर्खा पुरन्या थारु पुटवा हेरा गैलैं ।
भन्सरियक डब्ला चटुवा हेरा गैलैं ।।
भाट रिझैना भोक्टि, मार ढर्ना हाँरी
घरक ढुरखम्मा खुँटुवा हेरा गैलैं ।
जाँरमार बोक्ना टुम्मा, चट्निक पोक्रि
सजना मैना गउइया नटुवा हेरा गैलैं ।
पुठ्ठा डुम्का डुम्का के नचुइया भौजी
मन्डरा बोजुइया मिटुवा हेरा गैलैं ।
थारु मर्डानके चिन्हा, टेक्नि पौवा
टोपी, पगिया, भेगुवा हेरा गैलैं ।
संगम चौधरी
