खाडा राना थारु(जीवनी )

रविना चौधरी 
१ पुष २०७८, बिहीबार
खाडा राना थारु(जीवनी )


आज मानव कल्याणके लाग लोकतन्त्र, मानव अधिकार,स्वतन्त्रता,न्याय मताधिकार जस्ट  विषय स्थापित हुइल  बा । विज्ञान व प्रविधिके

विकाससे जीवन सहज हुइल बा  ।  मनै निरनतर उन्नत सभ्यताके विकास कर्ती आरल बाट । मानव कल्याणके लाग स्थापित यी सक्कु  चाज

सजिलो से निमिलल हो । हमा अग्रज हुकनके चिन्तन,प्रयप्न,सङघर्ष त्याग वो बलिदानसे अज्हुक  अवस्था सिर्जना हुइल हो । समय

समयम जन्मल चिन्तकहुक्र व परिवर्तन के लाग लडना योद्वा हुकनके कारण अजहुक दिनके उपलब्धि हासिल हुइल हो । अस्तक मानव

कल्याणके लाग समर्पित चिन्टकहुक्र वा योद्वाहुक्र हमा लाग सदैव प्रेरक ओ स्मरणीय बाट ।अस्तक स्मरणीय एवम् पे्ररक चिन्तक

तथा योद्वा मध्ये एक हुइत खाडा राना थारु ।

खाडाराना थारुके जन्म वि.स. २०१९ साल माघ १० गते हुइल रहिन् । उहाक,बाबक, नाउ राजाराम राना थारु हुइटीन् ।खाडा राना थारुके  

शिक्षा आर्जन घरसे सुरु हुइल रहिन् । गाउक, परिवेशम बार्हल उहाँ गरिबी व शोषणके मार म परल मनैन संग सङगत कर्ना मौका

पैल , तबमार बालक कालसे नै उहाँह गरिबी ओ शोषणविरोधी चेतना हुइल हो । उहाँसंग  बहुत कार्यके अनुभुती रहिन्  ओ

बहुत क्षेत्र म भारी योगदान फे देल रलह । विगत नम्मा समय से मुक्त कमैया आनदोलनके नेतृत्व कर्ति आइल  रलह । उहाक् 

मुक्तकमैया व्यवस्थापनके परिचय प नं. ४० रहिन् । उहाँ एक हुनहार  अग्रज हुइत । मुक्त  कमैया, आन्दोलनके क्रमम

वि.स. २०५७ साल म बहुत धेर चो हप्तौ जेल / नेल फे जाई पर्लिन । मुक्त कमैया हुकनके हकहितके लाग बहुत धेउर संघ

संस्थाम कार्यरत रलह जस्त मुक्तकमैया समाज सिसिया बा । उहाँ वि.स. २०५७ सालम ध.उ.म.न.पा वर्ड नं. १२ कैलालीम रहल

हिम्मतपुर मुक्तकमैया शिविरके संस्थापक रल्ह । अस्तक ध.उ.म.न.वा वार्ड नं. १२ कैलाली के हिम्मतपुर मुक्तकमैया

शिविर मुत्तिनाथ प्रा.वि.के संचालक सामितिके संस्थापक अध्यक्षफे रल्ह । वह अविधि वि.स २०५७  साल स्थापना कालसे वि.स. २०७५

साल सम्मा रह  । वि.स.२०७० सालसे ध.उ.म.न.पा वार्ड न.७ कैलालीम रहल मनेहरा बन उपभोक्ता समितीके अपाध्यक्ष व

सल्लाहाकार हुइल  । अस्टक उहाक, कार्य अनुभव कहबेर वि.स.२०६० साल म ध.उ.म.न.पा. वार्ड नं. ७ कैलाली म रहल रामजानकी

मन्दिरके सल्लाहाकार रल्ह  । उहाँ नेकपा (एमाले) धनगढी उपमहानगर कमिटीके हुनहार सदस्य  रल्ह । खाडा राना थारु  अपन

जीवन पुरा और जन्हनके सेवा कर्ति कर्ति रहिगील । अस्तक नेकपा (एमाले) किसान संघ कैलाली जिल्ला सदस्यके नेतृत्वफे

निभइती रल्ह ।वि.स. २०७४ साल म स्थानीय निकाय म हुइल निर्वाचनम ध.उ.म.न.पा व. न. १२ के नेकपा (एमाले) के

तर्फसे वडा सदस्य उमेदवार म  जिटल रल्ह ओ मुक्त कमैया समस्या समाधान आयोगके सदस्य के पद फे बाहुत मजासे

निभईती गिल ।

मनैन् के जुनी एक ना एक दिन त मर पर्ना बा लेकिन खाडा राना थारु  बहुत हलि चलगील ।वि. सं.  २०७८ मंसिर २६ गते विहानक १० बजे

वहर आपन घर कैलालीके धनगदी उपमहानगर पालिका १२ म रहल हिम्मतपुर मुक्तकमैया शिविर म देहत्याग कर्लेल । वहाक

असामायिक निधनसे सक्कुजहन   स्तब्ध बनाईल बा  ओ  नेकपा एमालेके एक सच्चा  कार्यकर्ता गुमल बा ।

-रविना चौधरी 

खाडा राना थारु(जीवनी )

रविना चौधरी