संघर्ष

रविना चौधरी
९ पुष २०७८, शुक्रबार
संघर्ष

थारुहुकन के एक अगुवा हूइत लेकिन गील कुछ साल ( वि. स. २०७२ ) भढौं ७ गते हुइल टिकापुरके घट्नाथेसे उहाँ आपन जीवन (जन्मकैद) करागार म बिटैती बाट उहा हुइट रेशम चौधरी । उहा एक सामान्य किसानके छावा हुइत । उहाँह बहुत क्षेत्रम धेर से धेर ज्ञान फे बाटिन । नेस्नालिती (नागरिता ) कहबेर नेपाली हुइत । उहाँ एक थारु समाजके उदारणीय ब्यक्ति हुइत जुन आपन समाज के लाग आपन ज्यान दाउम धर्ल बाट , कुछ फे सहक लाग टयार बाट । उहाँ आपन ठाँउ टीकापु म बहुत व्यवसायम हात फे दर्ल रल्ह जस्तकी एफ. एम , होटल व्यवसाय आदि जस्त बहुत क्षेत्र म । प्रतिनिधी सभा ब्युझलसंग सत्ता जोगाइ व सत्ता पल्टाइ चाहना हुकन के चलखेल म पर्क उहा आज कारागार म सत्ताके सौता बाजी कर पर टिन । बाहेर उहाक् नाँउ म जसिन दाउ विज रलसे फे उहा का चाहठ कना अब्बके विषय बा ।

२०७२ भढौं गते टिकापुर म हुइल एक हिङसक घटनाम एक वालक व प्रहारी राहित ९ जहनके हत्य हुइल रहा ओमसे एक मुख्य आरोपी रेशम चौधरी कारागारम जन्म कैद जेल जीवन विताइत सत्ता जोगाईक लाग ओ सत्ता बचाइक् लाग दुनु ओरसे उहाक् नाँउ म चलखेल चल्ती बा । खासम का चाहठ त रेश्म चौधरी उहाँ कठ ‘मै जनताके रहु जनताके रहम’ उहाँक जन्म थलो कर्म थलो कैलाली हुइल ओरसे उहाँ कुछ जुन आपन ओरसे सेक्जाइ आह सब कैलालीके विकासके लाग कैलालीम कर चाहुइया एक अगुवा हुइत । हमार थारु जात बहुत पाछ परल ओरसे वहा थारु हुकन सक्कु ओरसे आग बर्हाइ चाहना , थारु हुकनके हक हित के लाग , थारुके भाषा,भेषभुषा, संस्कृति बाचईक लाग कुछ अगल कर चाहल रल्ह । लेकिन गील कुछ सालसे ज्यानमारा मुद्वा म पर्क आजीवन जेलम जीवन विटैटी बाट । जहाँ सम्म लागत यदि आजुक समय म उहाँ जेल नै परल रट त कुछ आग बहर सेकल रति । हमहन कुछ कर कुछ बन मिखुइया मजा डगर बनादिहुइया वहा आज आपन संघर्सित जिवन जेल म विटैना वाध्य बात । वहाँ बहुत भारी मनके मनै हुइत जहाँ बहुत , काहेकि कस्टकर जीवन जेल म बिटैटी बाट तब फे आपन लाग नि सोचक सक्कु थारुके लाग कुछ कर चाहटि बाट ओर बहुत आशाम बाट की एक ना एक दिन त न्याय पैम कैक काहेकी उहाँह पता बाटिन उहाँ निर्दोष बाट ।

समय समय हुईल थारुहतके बैठक से थारुहुक्र उहाँह न्याय देहक लाग लागल बाट जत्रा सेकट लेकिन कहुसे सुनुवाई निहोक उहाँहुक्र सफल हुई निसेक ठुइत । आज नि हुईट त काल हुई , एक ना एक दिन त जरुर हुई कैक हार कोइ फे निमन्ल हुइत । जत्रा सेकट कर्ति आइत लेखन म फे खप्पीस रहल ओरसे उहा जेलम राहिक फे किताब प्रकासित कर्ती बाट, उहाँ के गाना उहाक् सब्द म ,गायीका अन्नु चौधरी के स्वरम ‘ पैसा व पावर ‘ कना फे रिजित कैसेकल बाट । खैना मुख ह जुंगा (मोछ ) निछेकठ कना कहकुठ उहाँ जाप्तीक वा रियल कर्ल बाट । ओर अन्तिम म हम्र सक्कु जन यह चाहटि कि कार्वाही दोषीह होस् ओर निर्दोषह न्याय मिलोस् कहुफे सरकार गलत फैसला ना लेह । धन्यवाद !!

– रविना चौधरी

संघर्ष

रविना चौधरी