हेअद -मास्टर कतिकी सब जन एकदम सम्मान ओ कदर कर्थ , इमान्दारीसे ३० वर्ष से फे धेर स्कुलह मजासे चलैटी आइल उहाँके धर्म क्रिीश्चन ओ नागारिकता कह बेर नेपाली हुइटिन । घरक् काम सक्कु ओहर भ्याक आपन लर्कापर्कन के पर्हाई फे बहुट केयर कर्टी स्कुलके भविष्य सोचुइया वा एकठो मजा मास्टरके रुपम चिनुइया व्यक्ति हुइट भागी राम सर ।

एक सामान्य परिवारम हुर्कल उहाँ बहुत दुःख कष्ट कैक आग बर्हल हुइट । कब्बुफे केक्रो बारेम निमजा निसुचुइया सर हुईत भागराम सर । अभिभावक हुनुके विश्वासिलो मनै हुईत भागीराम सर । उहाँ करिब ३० वर्ष से श्री दिपेन्द्र चारपति मा. वि. मजासे चलैटी बाटा । उहाँके बहुत योगदान बाटीन ओह स्कुलम । हजारौं विद्यार्थीके जिन्दगीके दिया हुईत भागीराम सर । सबजहन प्रोत्साहन कर्क मजा डगर देखाक आनन्दीत महसुस कर्ती बाट उहाँ सर । उहाँ सरके एकठो विचार वा चाहना का बाटिन् कलसे , ‘ जब मै बेराम् होक हस्पिटल जैम् त वहाँ मोरिक विरुवा करुइया डाक्टर मोर पर्हाइल विद्यार्थी रहोस,जब मै कौनो मुद्दा म पर्क अदालत जैम तब वहाँ मोर पर्हाइल विद्यार्थी जज वा वकिल होस, मै कौनो दिन मजा घरके लाग नक्सा बनाइ जैम त वहाँ मेरै विद्यार्थी इन्जिनीयर होस । यिही से धेर खुसी कुछुना हो मोरिक् लाग । ‘ उहाँ एक मजा सरकारी स्कुलके हेड मास्टर बन्क बहुत बहुत योगदान,त्याग फे कर्ल बाट ।

सरकारी स्कुल कतीकी हमर सबके मनम एकठो विचार आइट की नेपाली माधेयम् जहाँ के विद्यार्र्थी एङ्ग्लिश म कमजोर रठ बोर्डिङ्गके तुलनाम । सायद स्कुलके प्रशासन मजा नै होक फे हुई सेकत , उहाँक् पर्हाइ अलि कमजोर ओ पाछ परल हस देख जाईत । गाँउम भुख प्यास कैक सवजन आपन लर्कन मजा पर्हाई खोज्ना कुछ भारी मनैया बन हमा जस्त माती- पानी म काम कर ना पर कैक लेकिन ओहर स्कुलम सब सर हुक्र आपन आपन व्यस्तता जनाक स्कुल निअइना वा कब्बु स्कुल आक फे कोठा म नि जिना काम चल्टी रहत । आज एक जन त काल और जे स्कुल निअइना अस्तक् कर्ती कर्ती विद्यार्थीन्के आर्थिक सत्र ओरैलक पत्ता नि चल्ठीन् । एकठो ससरकारी स्कुल म हुइटि रहल क्रियाकलाप हो यी । हरदम हरबाखत स्कुलके बारेम सोचुया हेअद सर आब्ट रितायर होक घरम बैठना समय फे पुग्गिल बााटिन । एकठो भुलाईल मनैयाह डगर देखैना,हार खाईल मनह हौसना,साथ देना , दुःखी गरिबह सहयोग कर्ना,कौनो फे लर्का शिक्षासे बन्चित ना होय कना सोच रखुया सर दुईत भागीराम सर । यदि सक्कु सरकारी स्कुल म अस्त सर रलसे सायद किहु फे शिक्षासे वाञ्चित हुई नि पर्तिन् । तबमार हम्र सक्कुजन मजा पदके लाग मजा सदस्य चुन पर्ना जरुर बा । धन्यबाद ।।

-रविना चौधरी