ढुर्हेरी विशेष
गजल
असौं टुँहिन रंग अबिर घोर्क खेलैम ढुर्हेरी ।
उहिसे निहुइ ट हिलम बिलोर्क खेलैम ढुर्हेरी ।
बरसम एक्चो अइना रंगिन टिहवार हमार,
गाउँक संघरियनहे बिटोर्क खेलैम ढुर्हेरी ।
मैयक सन्ढ्रीम नुकल ब्याला छामछुम कर्टी,
यी हिरडामका पोक्या फोर्क खेलैम ढुर्हेरी ।
टुँ लजाइहस करहो मै रंग लगाइहस करम,
किउलाहस फुलल बैँस लोर्क खेलैम ढुर्हेरी ।
डु डिनक जिन्गीम मुक लैजिना का बा छैली,
डिलसे डिलक बन्ढन जोर्क खेलैम ढुर्हेरी ।
डियर अविरल
बर्दिया