कविता
भैयक् एसएलसी पास हुइलक्
बाबुक प्लस टु पासके
मोर मास्टर्सके सर्टिपिकेट लैजाउ
महिन अक्सिजन डेउ
महिन बचाउ सरकार ।
डाइक् टिलहरी भौजिक मंगलशुत्र
मोर बाला बुडिक झिमल्या
बाबक् नाउँके लाल पुर्जा
बुडुक् वृद्ध भत्ता लैजाउ
महिन बचाउ सरकार ।।
मोर घरक् गोरु भैंस, भेरी छेग्री
मुर्गि चिंगना, सुवर माकर
बारीमसे रुख्वा बरिक्ख्वा
सब कुछ लैजाउ
महिन बचाउ सरकार ।।।
भौकम् ढारल पुरान गरगहना
अमूल्य पुर्खौली सहिडान
यहाँसम कि महिन रक्षा करुइया
मोर डिहुरारीक् डिउँटा
सक्कु सक्कु लैजाउ
महिन अक्सिजन डेउ
महिन बचाउ सरकार ।।।।
विष्णु कुसुम
घोराही दाङ