गजल
यि जिन्गी विधाटक डेहल उपहार हो ।
जिउभर रगट मोर डाइक दुधेक धार हो ।
बच्पन बिटल डाइक कोनम हँस्टि खेल्टी,
डेख्नु डुनियाँ चारुओंर बाबक उपकार हो ।
टबो फेन भुल्जैठी हम्रे डाइ बाबन्के मैयाँ,
जवानीमे चर्हल बैसके मस्टाइल बिचार हो ।
खै कसिन नियम हो संसारके बुझे नैसेक्ना,
सब कुछ बिस्राके जिए सिखुइया प्यार हो ।
एक डोसरके मैयाँ प्यारमे जुरल नाट यहाँ,
हँस्टिखेल्टी रमैटी एकडिन छोर्ना संसार हो ।
दिपक चौधरी ‘असीम’
कैलारी २ बसौटी, कैलाली