गजल
पानी निबरसक हैरान बा खेट्वा आँखर होके ।
बुर्हाइल चोक्टा छिप्पल जिउक गुइँडाँगर होके ।

आढा निहुइल हो, जो कि आनक अढिया खेट्वा,
अलकच्रे लेवा छोरक पर्ना जिम्डर्वा चिम्मर होके ।

भगन्वाँ ट हेलाहा कराइट कराइट सरकारफे अस्ट,
उब्जल अनाजसे मलखाडके भाउ डोब्बर होके ।

बाबाह सड्ड मै फेन डक्टर्वा बनम कहना छावा,
टेंरह्वा हर ज्वाँटल, निचिहिन्न कर्या अच्छर होके ।

आपन हक अधिकार छिनेफें ट निसेक्गिल हो,
किसानन् भर हेप्टि रना यि सरकार कट्टर होके ।

सन्देश दहित
कैलाली