गजल
असारके महिनामे हेरो बियार लगैना डिन आइगिल ।
हर जुवाके संग संगे फरुवा खेलैना डिन आइगिल
असौंफे धान मजा हुइस आउर ढेउर फरिस कहिके,
खेट्वम पेल्नासे पहिले कथा करवैना डिन आइगिल ।
कन्ढामे हर जुवा बोक्के हेरो टक टक अँह अँह कर्टी,
पानीमे भिज्टी खेट्वम गोरु लैकेजैना डिन आइगिल ।
खेट्वा लगाइ लग्बो टो हलि हलि ओराइ कहिके हेरो,
भिन्सारे उठके सक्कु जहन उठैना डिन आइगिल ।
मिठ मिठ सडिमान जैसिन टिना खैलेक खेट्वम,
बोक्के लैगिल चट्नी भात खैनाफे डिन आइगिल ।
तिलक डंगौरा
जानकी गाउँपालिका–१ दुर्गौली कैलाली