किसान

बिन्हे
एक बाँग मुर्गा बोल्लसे
झसंगसे किच्रहा आँखी उघर्टी
जाम्हींं छुट्टि
पौली ग्वारक् पौवा ख्वाजट्
बगर्वाम् बर्डा भैँस बाँ बाँ गोहरैना
हटपट हटपट चप्का पकर्ल
बगर्वम् छिर्ना
नम्हैरिक डाँठले मेर्ह्रल छट्री
कप्पारिम् ढैल
एक हाँठम् बर्डनके छँर्की
एक हाँठम् मच्या
एक कन्ढम् हर
एक कन्ढम् जुवा लेल
जुनक जुन खेट्वम् बिटैना
किसान हुइटैं

ढुप्पन घाम
बर्खहा मौसम
पिठ चट्कैना जसिन
असारके महिनम्
भिन्सारके निक्रल्
सजना मैना गैटी
खेट्वा चैनार कर्ना
उप्परसे पानी नैबर्सना
कुल्वम् पानी निअइना
डरार फाटल ढर्टी
अँह अँह टक टक कर्टी
रकट पस्ना चुहाक
स्वान फरैना
किसान हुइटैं

बरस भर हिला किचम्
हाँठ ग्वार सरा सरा
घाम सिटे कपार ढिका ढिका
भुखे प्यासे
फाटल आँगक् अँगिया
बेँउची फाटल ग्वारा
औरक् बटैया लगाक
घरक समस्याहे टारम कैके
बजारमे ढानक् म्वाल ख्वाज जैना
अपन्ने फराइल स्वानके अप्ने
म्वाल करे निपैना
अनाज सस्टा
मलखाड महंगा
असिन भोगुइया
किसान हुइटैं

सन्देश दहित
जानकी गाउँपालिका २ खर्गौली कैलाली