गजल
जट्टिसे हाँठ गोरा सरैना बर्खा लाग्गैल ।
घाम पानीम् जिउ जरैना बर्खा लाग्गैल ।

सक्कु डाइबाबा दादाभैया पसिना बगैटी,
दिनभर हिल्लम् आँस झरैना बर्खा लाग्गैल ।

सुखाइल धर्तीम् हरियाली हुइटा खेटुवम्,
टैं छोर मै छोर कना हरैना बर्खा लाग्गैल ।

कुलुवम् पानी नैहो रात रात लेहे जैना,
अपन मेहेनतमे नैटो डरैना बर्खा लाग्गैल ।

एक कर्टी दुई कर्टी ओराइल खेत्तुव हमार ,
महिना भर करल जिउ मरैना बर्खा लाग्गैल ।
सन्जिब चौधरी
टीकापुर नगरपालिका–९ झुङ्गा कैलाली