गजल
कुल्वा नहर नैरहल जग्गम् बोरिङ्ग गराइ परल ।
भुखाइल धर्तीम यहाँ सिँचाइ पानी चह्राइ परल ।
पुर्खनके बनाइल छट्रि हेराइल छट्टुर आइल टे,
बैठके मच्यम, ओह्रके छाटा बियार कटाइ परल ।
कत्रा बेल्सब हजुर आधुनिक मल डिएपी युरिया,
घुरौरक् गोबर मलसे भरहर जमिन कराइ परल ।
मचल बर्खा, छल्कल कुल्वा हुइल खेट्वा रवारेट,
चलो लर्को खेट्वाओेर किल्वाहि हेंगा लगाइ परल ।
डुलारु अन्डिक् धान बुवारो बोइना सेंउठारी हेराइल,
जबाना टे बड्लल् हेरो हाइब्रिड फारा फराइ परल ।
संगम कुस्मी
कैलारी ८, कैलाली