गजल
झिमझिम बड्रिक पानिक सुर म सुर काटट् रठुँ मै ।
इ ट महा ढुम्मर भैंसा बा कटि गोरु साटट् रठँु मै ।

खै जन्याँवन भर कसिन हुइटैं एक्को कर्रा नैपर्ना,
हालिसे काम उस्रि सोच्के बियार ब्वाकट् रठुँ मै ।

दिन भर हर, गोरु, फर्वा चलैलक बर्को डट्करल,
मिझ्नि जुन कपुवा भात संग चट्नी चाटट् रठुँ मै ।

कत्रा सोहावन हमार थारुनके सज्ना मैना आहा,
मोर डाइ, बाबा, बुडि हे सज्ना गाए कहट् रठँु मै ।

दिनरात काम कर्के खेट्वा लगाकेफे ओराइ लग्ठा,
हरडहुवा खेलेबेर सक्कुन संग लेवामे ल्वाटट् रठुँ मै ।
तेजेन्द्र बखरीया थारु
राजापुर–५, बदालपुर बर्दिया