गजल
दिन रात हुइलेसेफे काम यहाँ कैना बावै ।
लर्कनके भविष्यक् लग पस्ना बहैना बावै ।

हमार टो जैसिक टैसिक जिन्गि गुजर जाइ,
लर्कनके लग ढेर रुपिया पैसा कमैना बावै ।

फाटल चिठल लुग्रा घाल्के हम्रेटो चला लेब,
मने लर्कन्हे स्कुलहा लावा लुग्रा घलैना बावै ।

कम्लरहिया नाइ लगाके अपन लर्कन पर्कन,
क्षिशित कराइक लग अब स्कुल पठैना बावै ।

हम्रे टो पर्लि काला अक्षर भैंस बराबर आब,
अपन लर्कन पर्कन जैसिक फे परहैना बावै ।
तिलक डंगौरा
जानकी गाउँपालिका–१ दुर्गौली कैलाली