ठुट्नी ओ मुट्नी
मनैन्के जीवनम ठुट्नी ओ मुट्नी स्वर्ग ओ नर्ग पुगाइठ् । मानव जीवन एकठो प्रकृति हो । प्रकृति आपनम अपनहि विज्ञान हो । विज्ञानम लागु हुइना क्रिया सक्कु मानव जिवनम हर सम्भव कार्यन्वयन कैजाइठ् । यी हमार भाषाम झ्वाट्ट डेख्ना, सुन्ना, बुझ्नाके संगे अश्लीलहस् लग्ना । तर फेन सत्य ओ अपशब्द जस्त लग्गेसे फेन जीवन बर्बादि ओर गैलक् कहानी पुर्खा लोगनक बेल्सल शब्द हो । यी शब्द अपनहमे प्रस्तुति कर्ना अप्ठ्यारो हस् लागठ् । तर फेन मानव जिवनम प्रकृतिके देन अनुसार लागु हुइटि रहल अंग हो । यी शब्दके गहिराइ ओ अर्थ सन्देश आत्माम लग्ना चिज बा । अस्टक यी कह खोज्लक् का हो ? मै आपन मानस दिल दिमाग खेलल् मजा नैमजा डुनु बेल्सलक् अनुभुति भावना व्यक्त कर्ना सक्कु मनैन्के समाजप्रति चिन्ता करुइयन मैगर गोचा, गोचालिनसे अनुमति लेना अर्जि करटँु ।

ठुट्नी ओ मुट्नी कलक् का हो ? ठुट्नी कलक् मुह हो, कलसे मुट्नी कलक् लिङ्ग हो । यी हमार जीव ओ जगतके विकास संगे हुइलक् हो । यहिहे बेल्सना मनैनके आपन आपन मौलिकपन भावना तरिका बा । प्रकृतिके नियम विज्ञानसे सावित हुइल मानव समाज ओ धार्मिक कानुनी बन्धनम बान्ढके चलल् रीत बा । यी सक्कु जाने पालना करे परठ् । तब ना प्रकृति धर्तीम टिकल् बा । यी तर उप्पर हुइठ् ट नियम भंग हुइल् मानजाइठ् । यहक् मारे सभ्य, संयम, मिजासिला, अनुशासित, मर्यादित, मिलनसार, सामाजिक, सामुहिक, उत्तरदायि बनैले बा ओ रहफें परठ् ।

ठुट्नी कलक् एकठो ज्ञानेन्द्रीय अंग हो । जीवन जिवाइक् लाग आपन कर्ना कृया एकठो महत्वपूर्ण अंग हो । यी अंगके मुख्य काम खैना ओ बोल्ना हो । मनै यी अंगहे विशेष कहिके खैना ओ बोल्ठी कलसे आपन आम्दानीके श्रोत अनुसार खैनाम फें भर परठ् । यद्यपि आपन क्षमता अनुसार सन्तुलन मिलाइ नैसेकलि कलसे चोर, फटाहा, गुण्डा, डाँकाफें बनाइठ् । काखर कि आम्दानीके आपन श्रोत नाइ रहठ्् तर खैना बानी लागल् रहठ् । ओहक मारे नैमजा डगर रोजाइठ् । ओहक मारे आपन निश्चित आम्दानीके श्रोतके उपयोग नैखैना बानीेके अनिवार्य सन्तुलित कर्ना मष्टिस्क, सोंचाइ, सन्तुष्टि हो । ओहक् मारे ठुट्नी खाइक् लाग प्रकृति डेले बा । तर उपयोग कसिक् कर्ना आपनम भर पर्ना चिज हो । डेखासिखि खैना आपन आम्दानीके मुख्य श्रोत हो । प्रकृतिके देन खैनासंगे बोल्नाफे हो । सभ्य, मिठास ,नरम, शब्दके उपयोग÷ चैन कलात्मकसंगे व्यवहार प्रस्तुति करलि मनै होगैलि । यहिहे अध्यात्मिक भाषाम भगवानके रुप कहिजाइठ् ।

तर फेन मनै बनक् लाग बडा ध्यान, साेंचविचार कैक प्रस्तुति कर्ना हो । यहिले मनैन्के आकर्षण÷ व्यक्तित्व पहिचान डेहठ् । फलाना मनै बरा मजा रहे कहिके काखर कठि ? मनैनके डोसुर प्रस्तुति (बोल्ना) ओह मनै संयम, सभ्य, कठोर, कडक् झर्किलो, तनक् मिच्छाहा, निछोर÷ निछोर करलि । ओह मनै पशु सरह हुइलि । आउर अर्थम मनैन्के खोलम अध्यात्मिक भाषाम दानव वा राक्षस कहिजाइठ् । ओहक् मारे हम्र आपन अपनहि का बनैना हो, अपनहि निर्धारण करठि । जाँर पिइ कि, पानी पिइ । मनै बनि कि राक्षस बनि । अपनक् खैना ओ बोल्ना, अपनक् ठुट्नी सोचाइ, बुझाइ, सन्तुष्टिम भर पर्ना चिज हो ।

मुट्नी कना प्रजनन् अंग हो । यी जीव ओ जगतके विकास कराइठ् । मनैन्के जिवनम लिङ्ग विपरीत ध्रुवके आकर्षण कराइठ् । टब जन्नी ओ थारुन्के आकर्षण कर्ना अंग हो । यी विपरीत लिङ्गके आकर्षण ओ संभोगले प्रजनन् करठ् कना विज्ञान ओ प्रकृतिके नियम हो । तर प्रजनन्के विकासम समलिङ्गीमे लागू नाइहुइठ् । यद्यपि एकआपसम आकर्षण नैहुइ कलसे प्रजनन्के विकास अवरोध होजाइ । मुट्नीके उपयोगले जीवके संगे जगतकेफें विकास हुइठ । प्रकृतिके नियम संगे सामाजिक परम्परा, धार्मिक मान्यता, संवैधानिक कानुनी हिसाबले सक्कु तादम्यता मिलाइल् कलेसे मानविय परिवारक बन्धनम जोरल हुइल । तर फेन आधुनिक तथा प्रविधिके विकास ओ लोकतान्त्रिक मुल्य मान्यता मौलिक हकसंगे व्यक्ति स्वतन्त्रताम यी फें और पक्ष हो । यी सक्कु मनैन्के सोचाइ, बुझाइ, मष्टिस्कके सन्तुलनले हुइना चिज हो ।

यहिम जीव व जगतके विकास बा । मनैन्के मैयाँ स्नेह बा । मनैन्के सन्तुष्टि खुशी बा । परिस्थिति समय ओ ठाउँ अनुसार विपरीत लिङ्गके आपसिक सहमतिम संसर्ग हुइना क्रिया हो । विकसित राष्ट्रम खुल्ला बा । आपसिक सहमतिम हुइना क्रियाहे सामान्य लेजाइठ् । तर नेपालम फरक बा । यहिसे कडा राष्ट्रिय ढुकुटी उपर दलाली, भ्रष्टाचारहे मान्जाइठ, मानक् पर्ना हो । नेपालम भ्रष्टाचार सामान्य बा, कलेसे यौन संभोगहे कडा रुपम लेजाइठ् । ओहक मारे सामाजिक परम्परागत धार्मिक मान्यता ओ कानुनी हक भिट्टर रहिके यौनकृया संसर्ग कैजाइठ् । नेपालम लोकतान्त्रिक कलसेफे कानुनी मान्यता कडा बा । सामाजिक, धार्मिक, कानुनी मान्यता नैडेहल तर फेन विपरीत लिङ्गके आपसिक सहमतिले यौनसम्पर्गम एक्ठो विकृति बा । कसिक् कि अस्थाई सन्तुष्टि लेना व्यापारी लेनदेन बनटा । पतिपत्नी रहल्म हल्ला डेख्ल, सुन्ल कलसे जवरजस्ति करणी, बलात्कारसम आरोपम विशेष कहिके थारुन कानुन लागठ् । टब मारे एकठो कहानी बा कि–माटिक् ओर्हौना माटिक् बिच्छौना संगे माटिक घर सोन बनैना कि सोनक् घर माटि बनैना जिवनके जोरिएम भर परठ् । यी ट हुइल मुट्नीक् एकठो पक्ष, आब जाइ डोसुर पक्षम मानव शरीरक पाचन प्रक्रियाके मुट्नी एकठो महत्वपूर्ण अंग पक्ष हो । शरीरम रहल फोहोर ओ ढेर हुइल पानी, पस्ना, मुँट फेक्ना अंग हो ।

अन्तम मनैन्के प्राकृतिक अंग मध्ये बहुत सुझबुझ, साेंच विचार कैक बेल्सना नितान्त व्यक्तिगत अंग हो । यी सामाजिक, धार्मिक, कानुनी मान्यता ठाउँ, समय, परिस्थिति अनुसार बेल्सवि कलसे स्वर्गके डगर लागल् कहिजाइठ् । यदि यी उपर उल्लेखित बमोजिम बेल्स नैजन्ली कलसे नर्गके डगर लागल् कठ । ओहक् मारे अप्न बडल्ना हो, कलसे संगत बडल्ना जरुरी रहठ् । ठुट्नी ओ मुट्नीहे बेल्सना क्रमम स्वर्ग बनाइ कि नर्ग बनाइ नितान्त अप्नक् व्यक्तिगत रुपम भर परि । हँसिया लेबो कि बेंट । टोहाँर ओ मोर सडाडिन हुइटि रहि भेंट ।
वीर बहादुर राजबंसी
कृष्णपुर ६ कंचनपुर