गजल
कोरोना भाइरसके बारेम जनचेतना फैलैबी हजुर ।
यी रोगके बारेम बर्हियासे सबजहन बुझैबी हजुर ।

कोरोना भाइरससे बचेकलग सबजाने ध्यान डेबी,
साबुन पानीसे हाँठ मुह ढोके खाना खैबी हजुर ।

अपने हुँकनमे जुरी आइ ओ खोंखी लागि कलेसे,
अस्पतालमे जाके चेकजाँच हलहिल करैबी हजुर ।

यी रोग विश्वव्यापी रुपमे फैलल रोगहो टबेमारे,
मनैनके भिँरभाँर रहल ठाउँमे नाइ जैबी हजुर ।

किहिनोसे हाँठ नामिलैबी छिँक आइटो मुह छोप्बी,
माक्स लगाके अपन स्वास्थ्यक् ख्याल कैबी हजुर ।
बलराम चौधरी
जानकी गाउँपालिका १ धर्मापुर, कैलाली