गजल

मोर बोली बचन टुहिन भास लागठ कलेसे ।
मै डुर हुइटुँ टोहाँर मनमे ठेस जागठ कलेसे ।

खै कसिक गजलकार होगैल रहुँ चार दिनके,
मै फेन मंजुर बटुँ टोहाँर मन भागठ कलेसे ।

टुँ महान बटो, टोहाँर सत्ता, बिचार महान बा,
मोर डेंह मोर बिचार टुहिनहे ठागठ कलेसे ।

नैलिख्ना रहे महि ना टे कुछ सोंचना रहे महि,
मोर करल काम टोहाँर सिमा नाघठ कलेसे ।

टुहिन राजधानीसम् पुगुइया महि हुइटुँ हजुर,
आप का पट्यैबो टुहिन मोर बानी काटठ कलेसे ।