गजल
अपन निहुइना चिजके आस ना कर्बी ।
सँच्बि, पैसा खर्च सय पचास ना कर्बी ।
ढेउर गुरि हुइठ ट किरा लागठ हजुर,
ओहमारे सम्बन्ढ ढेउर मिठास ना कर्बी ।
मेहनत कर्बी फल पैबि हाँठगोरा खियाके,
भाग्यम् लेखल का बा बिस्वास ना कर्बी ।
एकडिन पक्काफें खुसिक पल आइ हजुर,
अस्रा लग्बि मन अपन निरास ना कर्बी ।
मनैनके चोला एक्के फेरा आइठ हजुर,
हार्कफें अपन जिन्गि खर्बास ना कर्बी ।
सन्देश दहित
जानकी गाउँपालिका–२ खरग्वार कैलाली