गजल
जिन्गिम् बात कर्के हँसुइया मनै बहुट कम रठैं ।
मजा सहि डगर डेखुइया मनै बहट कम रठैं ।
आखिर खै का चिजके घमण्ड कर्ठै हेरो संघरियो,
अपनमे रहल ज्ञान बँटुइया मनै बहुट कम रठैं ।
जिन्गीसे हार खाके एहोंर ओहाेंर भटक्बो टो,
दुई बात कैह्के सम्झुइया मनै बहुट कम रठैं ।
सुखमे टो हर कोइ फें यहाँ साथ डेहठ हेरो मने,
दुख परलमे साथ डेहुइया मनै बहुट कम रठैं ।
दुखसे लर्टी कोइ जेडा समस्या रहल बेला अपन,
ज्यानके बाजि लगाके बँचुइया मनै बहुट कम रठैं ।
तिलक डंगौरा
जानकी गाउँपालिका–१ दुर्गौली कैलाली