कविता
टीकापुरके बठ्ठा

टुँ कसिन बटो ?
टोहाँर हालखबर कसिन बा ?
हम्र ट टुहिन न्याय डेना बाट कर्टि
टुहिन सफल पर्ना प्रयास कर्टि
हाँ अट्रा कर्टि कर्टि फें
मै बुझ निसेक्नु टीकापुर टुहिन ।

टोहाँर गल्टिके सजाय भोग्सेक्लो कहुँ ट
टोहाँर गल्टि महिन लजर नि आइठो
टुँ का गल्टि कर्लो
अपन हक अधिकार मंगलो
अपन पस्नक मोल मंगलो
अपन स्वतन्त्रता मंगलो
बड्ला म टुहिन मिलल ट केबल
उहे विश्वासघाट
उहे निरासता ।

टुहिन बारम्बार दोषि बनागैल
टुहिन घनिघनि लकर म ढैगिल
आखिर कसिन न्याय हो
कसिन सरकार हो
कसिन हो यी अत्याचार
जहाँ हजार प्रमाण जुटाक फें
लजर दोषी के बा
कुरुपता के बा
जाति जाति बिचके लडाइ बा
कैह्या सम हो यी हम्र न्याय न्याय क नारा लगैना
कैह्या सम हमन न्यायक लाग भिख मगैबो सरकार ?
अपन माँगन हम्र मंगटि रबि ।

हे सरकार
टुँ कैह्या सम सुनडेबो हमार चिट्कार
कट्रा सम हेर सेक्बो हमार भावुकता
अट््रा मजबुर ना बनाउँ
अट्रा विवस ना बनाउँ
कि न्याय मंगना हाँठ फेर हठियार उठाए
भाइ भाइके नाट फेर बिसरजाए
आब ट बुझ्डेउ हमार बोली
बुझ्डेउ हमार खवर
बुझ्डेउ हमार टीकापुरके बठ्ठा ।

विष्णु कुसुम
घोराही दांग