‘मोर सपनाके राजकुमार’ गीत बजारमे

निसराउ संवाददाता
धनगढी, ८ कुवाँर । सुलभ फिल्मस् प्रालि लावा थारु म्युजिक भिडियो ‘मोर सपनाके राजकुमार’ कना लावा गीत बजारमे लन्ले बा ।

इ गीत सुलभ फिल्मस् प्रालि धनगढी अपने युट्यूब च्यानल सुलभ फिल्मसे बजारमे लानल । गायिका अन्नु चौधरी ओ लखन चौधरीके आवाज रहल गीतके म्युजिक भिडियोमे रितु चौधरी ओ फुलराम चौधरी अपन कला डेखैले बटैं ।

गीतके रचनाकार लखन चौधरी हुइँट कलेसे एरेन्ज गणेश चौधरी करले बटैं । भिडियोहे पर्दामे उटरुइया क्यामेरा मेन ओ एडिट दयाशंकर चौधरी हुइँट । म्युजिक भिडियोके कहानी निर्देशन करुइया आदर्श महतों हुइँट ।