गजल

कैसिन भाग्य बा छाइल झोपरी फे टुटगिल मोरिक ।
अन्धारमे जुग जुग बरल दिया फे बुटगिल मोरिक ।।

उज्रल घर देख्के दुनियाँ हाँसे लग्लै महिन देख्के ।
आब हस्ना खेल्ना संगेक संघरिया छुटगिल मोरिक ।।

कोइ नै हेरथ मोरिक यी टुुटुल झोपरीहे यहाँ ।
बर्साठी से फे छाइल घर आँधीले उरगिल मोरिक ।।

गरिब छाँइल बा सुख दुःखसे भरल ।
भाग्यके रेखा भगवान कैसिक दिल लुटगिल मोरिक ।।

कैसिन जुनी देलो भगवान कमैयँक जलम ।
लदियाके किनारे रहल घर फे पुहगिल मोरिक ।।

रामचरण चौधरी ‘एकल यात्री’