गजल
लङ्गगा चोल्या छोर्के, जिन्स पैन्ट काहे लगाइ लग्लो ?
अपन संस्कृति छोर्के,औरेक सस्कृति चोराइ लग्लो ।।

हमार पहिचान कहाँ गील खै कैके खोज्थो आब काहे ।
भौकामे ढारल लेङ्गगा चोल्या मुसनसे कटाइ लग्लो ।।

आबते जागी थारु युवा अपन पहिचान बाचइ हम्रे ।
आज काल्ह अपन पहिचान फे तँु मेटाइ लग्लो ।।

भोजमे गइना माँगर मन्द्राके नाँच कहा गील खै ।
लौदिस स्पीकार मे आए हम बराती बजाइ लग्लो ।।

दशियामे नच्ना सखिया नाँच कँहा गील आबते देखो ।
मन्नी बद्नाम हुइ बिदेसीनके नाच देखाइ लग्लो ।।

–रामचरण कुश्मी चौधरी ‘एकल यात्री’