गजल
रङ्गिन रह जिन्गी अन्ढार हुइटि जाइटा ।
बुझ निस्याकठुँ झिन्झार हुइटि जाइटा ।

कसिक हो का हो कुछ पटा निपाइठुँ,
एक्कचो केल नाइ बारम्बार हुइटि जाइटा ।

स्याकट सम ट खन्खर बनैना स्वाँचटहुँ,
अप्ने ड्याखटुँ औरन्के संसार हुइटि जाइटा ।

रहल छोटि घर सुरसार कर्क सँपरम कहुँ,
खै काजे बिर्कुल हाहाकार हुइटि जाइटा ।

पर्गिनु कि उहो बर्का भारी गड्डम फुरसे,
छोटि रह च्वाट महा भार हुइटि जाइटा ।
गणेश चौधरी